Accessibility links

شه‌ڕ و پێـکدادانی توند شـاری حه‌له‌ب ده‌گرێته‌وه‌

  • VOA News

چالاکوانانی سوریا ده‌ڵێن بۆ یه‌که‌م جاره‌ شه‌ڕ و پـێـکدادانی توند شـاری حه‌له‌بی باکوری وڵاته‌که‌ بگرێته‌وه‌ که‌ به‌ پایته‌ختی ئابوری سوریا ناسراوه‌.
چالاکوانان ده‌ڵێن هێزه‌کانی حکومه‌ت هه‌وڵ ده‌ده‌ن به‌ تانک و ماشێنی زرێپـۆشه‌وه‌ خۆیان به‌ گه‌ڕه‌کی سه‌ڵاحه‌دیندا بکات و ئێسـتا به‌ سه‌دان خێزان له‌وێ هه‌ڵدێن. ده‌شڵێن حکومه‌ت گوتوویه‌تی ئه‌گه‌ر بێت و سه‌رهه‌ڵـداوان گه‌ڕه‌که‌که‌ چۆڵ نه‌که‌ن، ئه‌وا وه‌ک گه‌ڕه‌کی بابا عه‌مری حه‌مای لێـده‌که‌ن.
دانیشـتوان ده‌ڵێن به‌ درێژایی شه‌وی هه‌ینی له‌سه‌ر شه‌ممه‌ ده‌نگی ته‌قینه‌وه‌ نه‌وه‌سـتاوه‌ که‌ ئه‌مه‌ یه‌که‌م جاره‌ له‌و شـاره‌ ڕووبدات له‌وه‌تای ڕاپه‌ڕین ده‌سـتیپـێـکردووه‌.
جێی ئاماژه‌ شـاری حه‌له‌ب به‌ ناوه‌ندی پـێشه‌سـازی و بازرگانی سوریا داده‌نرێت و دانیشـتوانه‌که‌ی نزیکه‌ی 3 ملیۆن که‌سه‌.
XS
SM
MD
LG