Accessibility links

شه‌ڕ و پـێـکدادان له‌ دیمه‌شقی پایته‌ختی سوریا به‌رده‌وامه‌

  • VOA News

پاش ته‌قینه‌وه‌که‌ی دوێنێی تیایدا وه‌زیری به‌رگری سوریا و ژماره‌یه‌ک کاربه‌ده‌سـتی دیکه‌ی باڵای ئه‌و وڵاته‌ کوژران، شه‌ڕ و پـێـکدادان له‌ نێوان هێزه‌کانی حکومه‌ت و ئۆپـۆزسیۆن له‌ دیمه‌شقی پایته‌ختدا به‌رده‌وامه‌.
چالاکوانانی سوریا ده‌ڵێن به‌ درێژایی شه‌وی ڕابردوو و به‌ره‌به‌یانی ئه‌مڕۆ چه‌ند ناوچه‌یه‌کی دیمه‌شق بۆردومان کراون و ده‌نگی ته‌قه‌ و ته‌قینه‌وه‌ هاتووه‌ که‌ هه‌رگیز پـێشـتر شتی وه‌ها له‌و شـاره‌دا ڕووی نه‌داوه‌.
ده‌شڵێن هێزه‌کانی حکومه‌ت ته‌قه‌یان له‌ ڕێوڕه‌سمی به‌خاکسـپاردنێـکدا کردووه‌ له‌ ناوچه‌ی سه‌یده‌ زه‌ینه‌بی دیمه‌شق و له‌ ئاکامدا نزیکه‌ی 100 که‌س کوژراون.
له‌شـکری سوریای ئازادیش ده‌ڵێت فڕۆکه‌خانه‌ی نێوده‌وڵه‌تی دیمه‌شقی به‌ 20 گولـله‌ خومپاره‌ بۆردومان کردووه‌.
XS
SM
MD
LG