Accessibility links

ئه‌نجومه‌نی ئاسایش ده‌نگدان له‌سه‌ر پـرۆژه‌ بڕیارێـکی تایبه‌ت به‌ سوریا دواده‌خات

  • VOA News

نوێنه‌ری ڕووسیا له‌ نه‌ته‌وه‌ یه‌کگرتووه‌کان ئه‌مڕۆ چوارشه‌ممه‌ ڕایگه‌یاند که‌وا ئه‌نجومه‌نی ئاسایش ده‌نگدانی له‌سه‌ر پـرۆژه‌ بڕیارێـکی تایبه‌ت به‌ سوریای بۆ ڕۆژی پـێنجشه‌ممه‌ دواخست.
پـرۆژه‌ بڕیاره‌که‌ که‌ له‌ لایه‌ن وڵاتانی ڕۆژئاواوه‌ ئاماده‌کراوه‌ تیایدا هه‌ڕه‌شه‌ی سه‌پاندنی سـزا به‌سه‌ر حکومه‌تی سوریا ده‌کرێت ئه‌گه‌ربێت و توندوتیژی ڕانه‌گیرێت.
پاش کۆبوونه‌وه‌یه‌کی نوێنه‌رانی وڵاتانی ئه‌ندامی هه‌میشه‌یی ئه‌نجومه‌نی ئاسایش، ڤیتالی چورنک نوێنه‌ری ڕووسیا به‌ ڕۆژنامه‌وانی گوت ده‌نگدانه‌که‌ بۆ سبه‌ی دواخرا و ئه‌مڕۆ وتووێژی زیاتری له‌باره‌وه‌ ده‌کرێت.
جێی ئاماژه‌یه‌ پـێشـتر کۆفی ئه‌نان نێردراوی نێونه‌ته‌وه‌یی بۆ قه‌یرانی سوریا داوای دواخسـتنی ده‌نگدانه‌که‌ی کرد به‌هۆی ناکۆکی نێوان ڕووسیا و وڵاتانی ڕۆژئاوا له‌سه‌ر پـرۆژه‌ بڕیاره‌که‌.
XS
SM
MD
LG