Accessibility links

حکومه‌تی سوریا نکۆڵی له‌ کۆمه‌ڵ کوژیـیه‌که‌ی ترێمسه‌ ده‌کات

  • VOA News

حکومه‌تی سوریا نکوڵی ده‌کات له‌وه‌ی له‌ هه‌فته‌ی ڕابردوو هێزه‌کانی چه‌کی قورس و فڕۆکه‌یان له‌ شه‌ڕ و پـێـکدادانه‌کانیاندا له‌ شـارۆچکه‌ی ترێمسه‌ له‌ دژی سه‌رهه‌ڵـداوان به‌کارهێنابێت.
جیهاد ئه‌لمه‌قدسی گوته‌بێژی وه‌زاره‌تی ده‌ره‌وی سوریا ئه‌مڕۆ یه‌کشه‌ممه‌ له‌ کۆنگره‌یه‌کی ڕۆژنامه‌وانیدا گوتی ئه‌وه‌ی له‌ ترێمسه‌ کراوه‌ کۆمه‌ڵ کوژی نه‌بووه‌ و ته‌نها کۆمه‌ڵه‌ چه‌کداره‌کان له‌وێ کراونه‌ته‌ نیشـانه‌. به‌ گوته‌ی خۆی قورسترین چه‌ک که‌ له‌و شه‌ڕانه‌دا به‌کارهاتووه‌ ئاڕپـیچی بووه‌ و ده‌ڵێت 39 که‌س کوژراون که‌ ته‌نها دووانیان هاوڵاتی سیڤیل بوون.
به‌ڵام گوته‌بێژی نه‌ته‌وه‌ یه‌کگرتووه‌کان له‌ سوریا ڕایگه‌یاند ئه‌و شوێنانه‌ی هێرشیان کراوه‌ته‌ سه‌ر ماڵی چالاکوان و ئه‌وانه‌ بوون که‌ له‌ له‌شـکر هه‌ڵگه‌ڕاونه‌ته‌وه‌. ده‌شڵێت دیاره‌ که‌ چه‌کی قورس به‌کارهاتووه‌ که‌‌ ئه‌وه‌ بۆخۆی پـێشـێـلکردنێـکی سوریایه‌ بۆ بڕیاره‌کانی نه‌ته‌وه‌ یه‌کگرتووه‌کان.
XS
SM
MD
LG