Accessibility links

دکتۆر فوئاد حسێن : قۆناغی کۆکردنه‌وه‌ی واژۆکان بۆ لێسه‌ندنه‌وه‌ی متمانه‌ له‌ مالیکی ته‌واو بوو

  • Balen Salih

دکتۆر فوئاد حسێن ده‌ڵێت ئه‌م هه‌ڵبژاردنه‌ی عێراق ڕێڕه‌وی ڕاسـته‌قینه‌ی سیاسی وڵاته‌که داده‌نێت

دکتۆر فوئاد حسێن ده‌ڵێت ئه‌م هه‌ڵبژاردنه‌ی عێراق ڕێڕه‌وی ڕاسـته‌قینه‌ی سیاسی وڵاته‌که داده‌نێت

سه‌رۆکی هه‌رێمی کوردستانی عێراق و سه‌رۆکی په‌رله‌مانی وڵاته‌که‌ و سه‌رۆکی لیستی ئه‌لعێراقیه‌ش به‌ بێ ئاماده‌بوونی لایه‌نی سه‌دریه‌کان، له‌ هاوینه‌ هه‌واری پیرمام کۆبوونه‌وه‌.
ئه‌م کۆبوونه‌وه‌یه‌ی ڕۆژی شه‌ممه‌ بۆ باسکردنی ڕه‌وشی سیاسی عێراق و تاووتوێکردنی ئه‌گه‌ر و پێشهاته‌کان بووه‌.
سه‌رۆکی دیوانی سه‌رۆکایه‌تی هه‌رێمی کوردستانی عێراق ده‌ڵێت کۆبوونه‌وه‌که‌ ته‌نها کۆبوونه‌وه‌یه‌کی دوو قۆڵی بووه‌ له‌ نێوان سه‌رۆکی هه‌رێم و لیستی ئه‌لعێراقیه‌دا و پاش کۆبوونه‌وه‌ی لیستی ئه‌لعێراقیه‌ بووه‌ و ئه‌وجا ئه‌و وتووێژانه‌ی که‌ کراون نێردراوه‌ بۆ سه‌رۆکی لایه‌نی سه‌دریه‌کان.
له‌ میانه‌ی وتووێژه‌که‌یدا له‌گه‌ڵ به‌ڵێن ساڵح ، دکتۆر فوئاد حسێن ده‌ڵێت ئه‌وه‌ی لایه‌نی سه‌در له‌گه‌ڵ سه‌رۆکایه‌تی هه‌رێمدا باسی ده‌کات ئه‌وه‌یه‌ هێشتاش سه‌دریه‌کان له‌گه‌ڵ لێسه‌ندنه‌وه‌ی متمانه‌ن له‌ مالیکی و ده‌شڵێن هه‌رکاتێک له‌ په‌رله‌مان دانیشتنێک کرا بۆ لێسه‌ندنه‌وه‌ی متمانه‌ له‌ نوری ئه‌لمالیکی ئه‌وا ئاماده‌ن 40 ده‌نگی خۆیان زێد بکه‌نه‌ سه‌ر 124 ده‌نگه‌که‌ی تر.
XS
SM
MD
LG