Accessibility links

کارزایی: ئه‌فغانسـتان له‌سه‌ر ڕێگه‌یه‌کی دورودرێژه‌ بۆ پشـت‌به‌ستن به‌خۆی

  • VOA News

سه‌رۆکی ئه‌فغانی حامید کارزایی ده‌ڵێت وڵاته‌که‌ی ده‌سـتیکردووه‌ به‌ ڕێگه‌یه‌کی دورودرێژ بۆ پشـت‌به‌ستن به‌خۆی.
ئه‌مڕۆ یه‌کشه‌ممه‌ له‌ میانه‌ی لێـدوانیدا له‌ کۆنگره‌ی کۆمه‌ککردنی ئه‌فغانسـتان له‌ تۆکیۆ، کارزایی گوتیشی له‌ پاش کشانه‌وه‌ی هێزه‌ نێوده‌وڵه‌تیـیه‌کان ئه‌فغانسـتان بۆ چه‌ندین سـاڵ دووچاری ئه‌رک و کاری سه‌خت ده‌بێته‌وه‌.
له‌م کۆنگره‌یه‌ی تۆکیۆ وڵاتانی به‌شـدار به‌ڵێنیان دا بۆ ماوه‌ی چوار سـاڵ له‌سه‌ر یه‌ک به‌ به‌های 16 ملیار دۆلار یارمه‌تی ئه‌فغانسـتان بده‌ن.
خانم هێله‌ری کلنتن وه‌زیری ده‌ره‌وه‌ی ئه‌مه‌ریکا که‌ یه‌ک له‌و کاربه‌ده‌سـته‌ باڵانه‌ی جیهان بوو به‌شـداری له‌ کۆنگره‌که‌دا کرد، په‌یمانی دا وڵاته‌ یه‌کگرتووه‌کانی ئه‌مه‌ریکا گه‌لی ئه‌فغانسـتان جێ‌نه‌هێڵێت له‌ پاش کشـانه‌وه‌ی هێزه‌ شه‌ڕکه‌ره‌کانی له‌ وڵاته‌که‌یاندا له‌ سـاڵی 2014.
هێله‌ری کلنتن گوتی ده‌بێت ئێمه‌ دڵنیا بین که‌ جارێـکی دیکه‌ ئه‌فغانسـتان بۆ دواوه‌ ناگه‌ڕێته‌وه‌ و بـبێته‌وه‌ لانه‌ی تێرۆرستان.
XS
SM
MD
LG