Accessibility links

کۆفی ئه‌نان ده‌گاته‌ سوریا

  • VOA News

کۆفی ئه‌نان نێردراوی نێونه‌ته‌وه‌یی بۆ قه‌یرانی سوریا ئه‌مڕۆ یه‌کشه‌ممه‌ گه‌یشته‌ دیمه‌شقی پایته‌خت به‌ مه‌به‌سـتی وتووێژکردن له‌گه‌ڵ سه‌رۆکی سوریا به‌شـار ئه‌لئه‌سه‌د.
ئه‌م سه‌ردانه‌ی ئه‌نان ڕۆژێـک پاش ئه‌وه‌ دێت که‌ گوتبوی هه‌وڵه‌ نێونه‌ته‌وه‌یـیه‌کان بۆ ڕاگرتنی خوێن ڕشتن له‌ سوریا شـکسـتی هێناوه‌.
ئه‌نان که‌ بۆخۆی نه‌خشه‌داڕێژه‌ری پـلانی ئاشـتی سوریایه‌، ئه‌مه‌ سێـیه‌م جاره‌ وه‌ک نێردراوی تایبه‌ت سه‌ردانی سوریا ده‌کات. سه‌ردانی پـێشووی له‌ 29 ی مانگی پـێنجدا بوو.
ناوه‌ڕۆکی پـلانه‌که‌ی ئه‌نان بریتیـیه‌ له‌ ڕاگرتنی شه‌ڕ و کوشـتار و ده‌سـتکردن به‌ دانوسـتاندن له‌ نێوان حکومه‌ت و ئۆپـۆزسیۆندا به‌ مه‌به‌ستی دۆزینه‌وه‌ی ڕێگه‌چاره‌یه‌کی سیاسی، هه‌روه‌ها کۆمه‌ککردنی خه‌ڵـکی زیان لێـکه‌وتوو.
XS
SM
MD
LG