Accessibility links

لافاوه‌کانی باشوری ڕووسیا ده‌بنه‌‌ مایه‌ی گیان له‌ده‌سـتانی 103 که‌س


کاربه‌ده‌سـتانی ڕووسیا ده‌ڵێن زیانه‌ گیانیـیه‌کانی ئاکامی لافاوه‌کانی ناوچه‌ی کراسنۆدارسکی کرای باشوری وڵاتی گرتووه‌ته‌وه‌ گه‌یشتووه‌ته‌ 103 که‌س.
ده‌سه‌ڵاتداران ئه‌مڕۆ شه‌ممه‌ گوتیان ئه‌و بارانه‌ زۆرانه‌ی له‌ ماوه‌ی دوو ڕۆژی ڕابرددوودا ئه‌و ناوچه‌یه‌ی گرته‌وه‌ هه‌روه‌ها بوونه‌ته‌ مایه‌ی ڕۆچوونی زه‌وی و کاری کردووه‌ته‌ سه‌ر هه‌زاران که‌س.
شه‌قامه‌کان و ته‌نانه‌ت ژماره‌یه‌ک ئۆتۆمبیل نوقمی ئاو بوون و هاتوچۆ له‌ ناوچه‌که‌دا وه‌سـتاوه‌.
گۆته‌بێژێـکی حکومه‌ت ڕایگه‌یاند که‌وا ژماره‌یه‌کی زۆری هێزه‌کانی پـۆلیس به‌ ناوچه‌که‌دا بڵاوکراونه‌ته‌وه‌ تاوه‌کو تاڵانی ڕوو نه‌دات.
ئاژانسی ده‌نگ‌وباسی ڕۆیته‌رز ده‌ڵێت به‌هۆی ئه‌م لافاوه‌ ئه‌مڕۆ شه‌ممه‌ هه‌نارده‌ی نه‌وتی خاو له‌ به‌نده‌ری نۆڤۆرۆسیسکی سه‌ر ده‌ریای ڕه‌ش ڕاگیراوه‌.
XS
SM
MD
LG