Accessibility links

لایه‌نگرانی فیدراڵیـیه‌ له‌ لیبیا دوو به‌نده‌ری سه‌ره‌کی هه‌نارده‌ی نه‌وت داده‌خه‌ن

  • VOA News

لایه‌نگرانی سـسته‌می فیدراڵی له‌ لیبیا 2 به‌نده‌ری هه‌نارده‌ی نه‌وتیان له‌ ڕۆژهه‌ڵاتی وڵاته‌که‌یان داخستووه‌، ئه‌مه‌ش وه‌ک ده‌ربڕینی ناڕه‌زایی له‌ به‌رامبه‌ر شێوازی دابه‌شـکردنی کورسیـیه‌کانی په‌رله‌مان، ئه‌وه‌ی بڕیاره‌ له‌ ده‌نگدانه‌که‌ی سبه‌ی شه‌ممه‌ ئه‌ندامه‌کانی هه‌ڵبـبژێردرێن.
تاریق ئه‌لتاهی کاربه‌ده‌ست له‌ به‌نده‌ری نه‌وتی سدره‌ به‌ ئاژانسی ده‌نگ‌وباسی فڕانس پـرێسی گوتووه‌ کاژمێر 7:30 ی ئێواره‌ی دوێنێ پـێـنجشه‌ممه‌ کۆمه‌ڵێـک به‌ چه‌کی قورسه‌وه‌ هاتوون و داوای ڕاگرتنی هه‌نارده‌کردنی نه‌وتیان له‌ به‌نده‌ره‌که‌ کرد‌.
تۆمی شکاری کاربه‌ده‌سـت له‌ به‌نده‌ری ڕه‌ئس لانوف ئه‌ویش به‌ ئاژانسی فڕانس پـرێسی گوتووه‌ کاژمێر 9:30 ی دوێنێ شه‌و کۆمه‌ڵێـک که‌ له‌ 15 که‌س پـێـکهاتبوون به‌ شێوه‌یه‌کی ئاشـتیـیانه‌ داوای ڕاگرتنی کاره‌کانی به‌نده‌ره‌که‌یان کرد.
ئیبراهیم ئه‌لجزران که‌ یه‌کێـکه‌ له‌ سه‌رکرده‌کانی ئه‌و کۆمه‌ڵانه‌، ڕایگه‌یاندووه‌ که‌وا به‌ره‌و به‌نده‌ری بریقه‌ش ده‌ڕۆن تاوه‌کو ئه‌ویش دابخن.
جێی ئاماژه‌کردنه‌ کاربه‌ده‌سـتێـک له‌ کۆمپانیای که‌نداوی عه‌ره‌ب که‌ گه‌ورترین کۆمپانیای نه‌وته‌ له‌ ڕۆژهه‌ڵاتی لیبیا کارده‌کات، هه‌واڵی داخستنی هه‌ردوو به‌نده‌ره‌که‌ی پشـتراسـتکردۆته‌وه‌.
XS
SM
MD
LG