Accessibility links

سه‌رۆکی چاودێرانی UN له‌ سوریا ده‌ڵێت توندوتیژی له‌و وڵاته‌ گه‌یشـتووه‌ته‌ ئاسـتێـکی بێ وێنه‌

  • VOA News

Norwegian Major General Robert Mood, chief of the United Nations Supervision Mission in Syria (UNSMIS), speaks during a news conference in Damascus July 5, 2012.

Norwegian Major General Robert Mood, chief of the United Nations Supervision Mission in Syria (UNSMIS), speaks during a news conference in Damascus July 5, 2012.

سه‌رۆکی تیمی چاودێرانی نه‌ته‌وه‌ یه‌کگرتووه‌کان له‌ سوریا ده‌ڵێت توندوتیژی له‌و وڵاته‌ گه‌یشتووه‌ته‌ ئاسـتێـک که‌ پـێشـتر وێنه‌ی به‌و شێوه‌یه‌ نه‌بووه‌. ده‌شڵێت ده‌بێت ئاگربه‌سـته‌که‌ جێبه‌جێ بکرێت تاوه‌کو چاودێران ده‌ست به‌ کاره‌کانیان بکه‌نه‌وه‌ که‌وا بۆ مانگێـکه‌ وه‌ستێنراوه‌.
ئه‌مڕۆ پـێـنجشه‌ممه‌ له‌ کۆنگره‌یه‌کی ڕۆژنامه‌وانیدا له‌ دیمه‌شق جه‌نه‌ڕاڵ ڕۆبه‌رت مود ئه‌مه‌ی ڕاگه‌یاند و گوتی پـێویسته‌ تیمه‌که‌ی که‌ له‌ 300 چاودێر پـێـکهاتووه‌ سه‌رله‌نوێ ڕێـکبخرێته‌وه‌ و ئه‌و 8 بنکه‌یه‌ی له‌ سه‌رانسه‌ری سوریادا هه‌یانه‌ بکرێنه‌ ناوه‌ند تاوه‌کو چالاکانه‌ تر کاره‌کانیان ئه‌نجام بده‌ن.
جه‌نه‌ڕاڵی نه‌رویژی له‌ میانه‌ی لێـدوانه‌که‌یدا به‌ سوریـیه‌کانیشی گوت " ناکرێت و نابێت له‌ به‌رامبه‌ر مه‌ینه‌تیـیه‌کانتاندا چاومان دابخه‌ین و گوێمان بگرین، وه‌ ئێمه‌ ئه‌رکه‌که‌ی خۆمان ته‌واو ده‌که‌ین بۆ دۆزینه‌وه‌ی ڕێـگه‌ی نوێ بۆ دیالۆگی سیاسی و چاره‌سه‌ری ئاشـتیانه‌ی قه‌یرانه‌که‌.
XS
SM
MD
LG