بومه‌له‌رزه‌یه‌کی به‌هێز له‌ باکوری ڕۆژئاوای چین ده‌دات

به‌ره‌به‌یانی ئه‌مڕۆ شه‌ممه‌ بومه‌له‌رزه‌یه‌ک به‌ گوڕی 6.6 پـله‌ به‌ پـێوه‌ری ڕێخته‌ر و له‌ قۆڵایی 18 کیلۆمه‌تر له‌ هه‌رێمی شیانگجیانگی باکوری ڕۆژئاوای چینی داوه‌.
به‌پـێی هه‌واڵه‌کان بومه‌له‌رزه‌که‌ ماوه‌ی 20 چرکه‌ی خایاندووه‌ و زیانی ماڵی لێـکه‌وتووه‌ته‌وه‌ و بووه‌ته‌ مایه‌ی برینداربوونی به‌ لایه‌نی که‌م 34 که‌س. هه‌تا ئاماده‌کردنی ئه‌م هه‌واڵه‌ باس له‌ گیان له‌ده‌سـتدانی که‌س نه‌کراوه‌.
جێی ئاماژه‌کردنه‌ هه‌رێمی شیانگجیانگ زۆربه‌ی دانیشتوانه‌که‌ی ئیگۆری نه‌ژادن و موسڵمانن.