Accessibility links

له‌ ئاکامی شه‌پـۆلێـکی باوبۆران له‌ ڕۆژهه‌ڵاتی ئه‌مه‌ریکا 10 که‌س گیانیان له‌ده‌ست‌ده‌ده‌ن

  • VOA News

شه‌وی هه‌ینی ڕابردوو شه‌پـۆلێـکی به‌هێزی باوبۆران له‌ ژماره‌یه‌ک ویلایه‌تی ڕۆژهه‌ڵاتی ئه‌مه‌ریکا دا و بووه‌ مایه‌ی گیان له‌ده‌سـتدانی 10 که‌س و هه‌روه‌ها کاره‌بای له‌ 3 ملیۆن هاوڵاتی بڕیوه‌.
زیانه‌کانی ئاکامی باوبۆرانه‌که‌ فه‌رمانڕه‌وای سێ ویلایه‌تی ناچارکرد باری ته‌نگه‌تاوی ڕابگه‌یه‌نن، ویلایه‌ته‌کانیش بریتین له‌ ئۆهایۆ، ڤێرجینیا و وێست ڤێرجینیا.
شه‌ش که‌س له‌وانه‌ی گیانیان له‌ده‌سـتداوه‌ له‌ ویلایه‌تی ڤێرجینیا بوون و دووانیشیان له‌ ویلایه‌تی نیوجێرزی و یه‌کێـک له‌ میریلاند و ئۆهایۆ. زۆبه‌ی قوربانیـیه‌کان له‌ ئاکامی که‌وتنی دار و دره‌خته‌وه‌ بوون.
هاتوچۆی ئۆتۆمبیل له‌ چه‌ندین ناوچه‌ گرفتی تێـکه‌وتووه‌، ئه‌ویش به‌هۆی که‌وتنی لقه‌ دار و دره‌خت به‌سه‌ر شه‌قامه‌کاندا و هه‌رووه‌ها نه‌بوونی کاره‌بای تره‌فیک لایته‌کان.
کاربه‌ده‌سـتان ده‌ڵێن گه‌ڕاندنه‌وه‌ی وزه‌ی کاره‌با بۆ ئه‌و 3 ملیۆن هاوڵاتیـیه‌ ڕه‌نگه‌ چه‌ند ڕۆژێـک بخایه‌نێت، ئه‌مه‌ش له‌ کاتێـکدا پـله‌ی گه‌رما گه‌یشـتووه‌ته‌ 40 پـله‌ی سه‌دی.
XS
SM
MD
LG